Loading

العودة   الحامل | منتدى الحوامل > عالم حواء , بيت حواء , مطبخ حواء > مكياج | تسريحات | تجميل


إضافة رد

  • Facebook

  • Twitter
Bookmark and Share
 
LinkBack أدوات الموضوع انواع عرض الموضوع
قديم 09-01-2013, 04:31 PM   #1
عضوه فعاله

 
الصورة الرمزية مغروره
 
تاريخ التسجيل: Jul 2011
المشاركات: 957
افتراضي خلطه لتشققات الاقدام وكعب القدم


البطل عندي هالحجر

7

7



زي الاسفنجه بس يابسه -----> يمديكم على الوصف

لكن نااااعمه ....مهما شديتي بالدعك تظل ناعمه على الجلد

اشتريها بكميات كبيره ....لانها احيانا تنقطع من الصيدليات والاسواق ....ولو تلاحظن هالمره مالقيت وردي

حقتي الورديه قديمه واستهلكت كثييييير زي مانتو شايفين

لكن بطلع عن موضوعي واقولكم اختراع ثاني

هالحين مو حرام استخدمها كم مره وعقب ارميها والله قهر






عاد انا اخترعت هالشي ......نقشرها بالمقشره حقت البطاطس ...يمديكم علي

صدق الا قالو الحاجه ام الاختراع <<< الا قولي قعدة البيت ...مغير قاعده واخترع






شوفو وشلون صارت جديده تهبببل










{نرجع لموضوعنا اللي هو التشققات

كنت ماشيه تمام وماعندي هالمشكله ابد ابد ولله الحمد

لكن تفاجات بانها طلعت لي فترة الحمل

مو بسبب اني مهمله ....لا والله احاول قد ماقدر

لكن السبب اني وبكل بساطه ....ماطولها

ما اطول امسك رجولي

متخيلين الماساة

ولازم عشان ادهنها ولا اغسلها انادي احد يغسلها لي .....مررره صعبه اسويها


النتيجه اني بعد النفاس اذا قدرت انحني واشوف رجل اشوفها بدون مبالغه بهالشكل





اللي يصير اني اروح للمشغل واسوي بدكير ....تنظف وتروح كم يوم

لكن ترجع مره ثانيه ....صح اخف من اول ...ومع شوية اهتمام بعد



صرت اسوي الطريقه اني ادهنها والبس بلاستيك ...نتيجه مرضيه الى حد ما

لكن نفس الطريق اكرهها لاني ماقدر امشي ....رجولي تتزحلق

وانا اكره ماعلي اني انحبس ولا اتحرك .....والموضوع مو سالفة خمس دقايق كان هانت




شوفو النتيجه برجولي .... وخلال اسبوع فقط

واستخدام اربع مرات بس

وترا الصوره الاولى عشان احزنكم على حالي ...كانت بعد الاستخدام الاول

من جد كانت حالها يرثى لها







الصور بالترتيب ....بعد كل استخدام اصورها ....ابد 4 مرات وصارت تلق الحمد لله






وش رايكم ..


....كله بالبيت وابسط من البساطه

والاهم استخدامه سهل ما يتعبك ولاتشيلين همه




نحتاج ...

كريم مرطب اي نوع عندك ..يفضل يكون كثيف

اكياس بلاستيك صغيره قد رجلك

شرابيب

طبعا انا صورت شراريب جديده{فشله اصور القديم } ...لكن انتي استخدمي القديم المستهلك عشان ترمينه بعدين

الحجر الخفاف الوردي طبعا ....وفرشه للاظافر وبين الاصابع وصابونك المعتاد



انا استخدم الفازلين ....او فازلين زبدة الكاكاو ....العلبه اللي تحت لانه كثيف

العلبه الكبيره خفييييف مره للجسم فقط

سعرها 35 ريال




تدهنين رجولك ....وتكثرين اذا كانت اول مره وتركزين على الكعبين والاصبع الكبير المنطقه اللي تحته

وبين الاصابع وخاصه الكبير واللي جنبه للي يلبسون سليبر ابو اصبع ...تصير هالمنطقه يابسه




{ يالله عاد نجي للاكتشاف ...

بللي شرابك واعصريه لايصير ينقط مويه هههههههههه نبي رطوبه بس





البسيه ....




عاد الحين نبي نحفظ هالرطوبه ....شلون ؟؟؟

نلبس عليه كيس بلاستيك





طيب هنا النقطه اللي استشفيتها من فكرة الحذاء الخاص اللي ينباع بالسوق

عشان اخذ راحتي واتحرك ....ماقدر لاني لابسه كيس ورجولي تتزحلق

قمت لبست شراب ثاني طبعا ناشف ....

الله كذا الواحد يمشي براحته



احيانا اكشخ بالشراب ابو بقره

ولا تقولون لي حر ...مو حر لان الداخلي رطب ....وخلي شرابك من النوع الصيفي الخفيف عشان ما تحسي بالثقل






انا البسها واشتغل بالبيت ...

ولا البس عليهم جزمتي واروح اقضي مشاويري ...سوق ...سوبر ماركت ...ولا حتى امشي رياضه

اي شي يخطر ببالي ولا تسدح عند التي في <<<<< حلم حياتي





وبما ان الدعوه كللللها وردي خل اكمل الطقم ....ممكن هالجزمه القماش لو بتتحركين كثير بالبيت اريح لك من الشراب






عاد براحتك ...ساعه ساعتين ...3 ساعات ...اللي يعجبك

اذا خلصتي ممكن تسوين هالخطوه وانتي تاخذين الشور حقك ......ولا تدلعين نفسك وتسوين بدكير

لكنها خطوه بسيطه جدا عشان الجلد الميت كله ينزل وتتنعم الرجل


ولا تنفجعين من رجولك اذا شلتي الشراب ....بتكون مجعلكه ورطبه وحالتها حاله

عادي 5 دقايق وتصير مافيه اروع منها


الحين تنقعين رجولك بمويه وصابون ...وانا اضيف شرايح ليمون

مو لازم تنقعينها لانها اصلا منقوعه ....بس هي هالخطوه للنظافه فقط




بعدين تستخدمين الحجر للكعبين وللمناطق القاسيه ....دعك بحركه دائريه ناعمه

مافيه داعي للفرك لانه اصلا الجلد طري وجاهز عشان يطيح




ونظفي بين الاصابع والاظافر بالفرشه .....هنا بقولكم شي

انا هنا ما راح اتكلم لا عن الجلد الزايد حوالين الاظافر ولا المناكير

لان هالاشياء سهله ...واعتبرها كماليات للرجل ...بالنسبه لي نعومة الرجل والكعبين اهم

غير كذا قصقصة الجلد الزايد تحتاج خبيره تسويه

ولو اني انا افضل ما اقصه ....لما انقع رجولي ادف الجلد لورا بالعود الخاص واكتفي بهالحركه

كذا مره سويت البدكير ...كم يوم ويتجرح اللي حوالين الاظفر ....فبطلت اسويه

مدري هو من البدكير نفسه ولا انا جلدي حساس ...برغم اني سويته عند كذا حرمه ...لكن النتيجه وحده

<<<< قلت لكم حكره وكلش ماحبه







واذا بتدلعين عمرك زود ....استخدمي المقشر ....انا استخدم هالنوع من بودي شوب

Africa Ximenia & Salt Scrub

املاح مقشره للجسم

تحتوي على خلاصة الرز

سعره 99 ريال












هنا نكون خلصنا .....بس نرطب الرجول بالكريم المعتاد اللي تستخدمينه وتفضلينه ...ونحرص اننا ما نمشي حفيانين عشان ما تنشف رجولنا مره ثانيه

انا استخدم هالمرطب من بودي شوب

هذي من الفترات اللي احب ادلع رجولي فيها

بالايام لاعاديه فازلين بزبدة الكاكاو او دوف <------- قصدك اذا طفرتي


الكريم هذا رائع من بودي شوب لليدين والرجلين

Africa Honey & Beeswax Hands & Foot Butter

كريم الاقدام واليدين بزبدة الشيا وشمع العسل


سعره 65 ريال








{ والنتيجه النهائيه انه بعد كم استخدام لهالطريقه .... رجلك باذن الله بتلق لقققق

والزين فيها انها بسيطه وعمليه وغير متعبه ولا مكلفه

احيانا اسويها كل يوم


وتطلع رجولك حلوه زي رجولي الحلوات









**

في ايام اكون هلكااانه ورجولي ما تشيلني من الارهاق

سواء شغل ولا دواره بالسوق ومشي

عاد انا احب ادلل عمري

استخدم مثل هالاقنعه الخاصه للاقدام ....الاقيها بالسوبر ماركت والصيدليات

هذي تركيبتها زي الجل ....وباااارده بالنعناع

تمتص كل الارهاق اللي برجولك وتسوي لها ريلاكس



بس لا يفوتكم الترجمه ....قناع للوجه ؟؟؟!!!!

الشرهه على اللي خلاكم تترجمون ههههه




دايم استخدمها لما اتمدد عند التلفزيون ...ومايكون عندي اي شغل

تعطيك شعور فوري بالراحه مرررررره مريحه



{ وفيه بعد

هذي اللصقات من دايسو

الصراحه اني للان ماجربتها ...لسبب بسيط انه يقول لازم تنامين فيها من 8 ساعات الى 10

هههههههههههههههههههههههه ياربي ...انا مانام ساعتين ....يبيني انام من 8 الى 10

ههههههههه قسم مت من الضحك

عاد شريتها وماعاد نمت

باذن الله اذا نمت بحاول اجربها ...هذا شكلها

فيه انواع اللي بالجنسنج مدري الزنجبيل .....وش النعناع




شوفو اش مكتوب ...!!!!






استيقض منتعش ....فعلا فعلا ماتصلح لي

حاليا على الاقل ههههه



لـ حفظ الموضوع والإستفاده منه إستخدمى هذا الرابط :
خلطه لتشققات الاقدام وكعب القدم
http://forum.alhaml.com/alhaml8000

الحامل , تجمع حوامل

0 فروع وارقام ايف روشيه في جميع مدن المملكة
0 طريقة ميني برجر السمك
0 Pregnant woman holding her belly
0 طريقة عمل صابونة البقدونس بالصور
0 فرش ريل تكنيك .. مجموعه الوجه للاساس والبودره 2014 المجموعه الاساسيه
0 جمجوم فارما Jamjoom Pharma لتقشير الحبوب
0 طريقة تبيت الشدو على الجفن

مغروره غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لتشققات, الاقدام, القيء, خلطه, وكعب

مواضيع جديدة في قسم مكياج | تسريحات | تجميل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 01:57 AM


Powered by vBulletin® Version 3.8.6
Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 ©2011, Crawlability, Inc.