Loading

العودة   الحامل | منتدى الحوامل > عالم حواء , بيت حواء , مطبخ حواء > مكياج | تسريحات | تجميل


إضافة رد

  • Facebook

  • Twitter
Bookmark and Share
 
LinkBack أدوات الموضوع انواع عرض الموضوع
قديم 08-27-2013, 06:15 AM   #1
عضوه فعاله

 
الصورة الرمزية مغروره
 
تاريخ التسجيل: Jul 2011
المشاركات: 957
افتراضي منتجات للبشرة الدهنية والحبوب


منتجات استخدمتها لبشرتي لما صارت دهنية وفيها حبوب

كانت دهنية جدا ومليانه حبوب
استخدمت الرواكتان مرتين (كورسين)
بعد كل كورس تروح الحبوب وتصير بشرتي عادية
وهنا تصير العناية فيها سهلة
لكن للأسف بعد فتره ترجع الحبوب(بشكل أقل من السابق بكثير) وتصير بشرتي بين الدهنية والمختلطة (غالبا مختلطة)

صار لازم أغير المستحضرات اللي أستخدمها لأنها مخصصة للبشرة العادية وأنا بشرتي صايره مختلطة ويطلع فيها شوية حبوب ، وأهم شي عندي المناطق الدهنية لأنها تحتاج عناية خاصة كونها معرضة لانسداد المسام ولظهور الحبوب وحساسة ضد أبسط تلوث
أنا أفضل المنتجات الطبية خاصة في حالة البشرة الدهنية
اشتريت هالمنتجات من شركة أفين وشركة فيتشي



رقم 1
غسول أفين للبشرة الدهنية
رقم 2
تونر من فيتشي للبشرة الدهنية
رقم 3
كريم مرطب من فيتشي للبشرة الدهنية
رقم4
كريم للعناية بمحيط العين من فيتشي ( داخل عرض في السالفة )
رقم 5
مقشر(سكرب) لجميع أنواع البشرة من أفين
رقم 6
منظف ومزيل مكياج لجميع أنواع البشرة(بما فيها الحساسة) ومناسب لمنطقة العينين وما يحسس العيون ، من فيتشي
ما يحتاج شطف ، تحطينه على قطنة وتمسحين بشرتك

طيب
قبل أستخدم هالمنتجات كانت بشرتي مختلطة ( دهنية + عادية )
وكان يطلع فيها كم حبة بس مو ملتهبة كثير ، يعني ما تطول على ما تروح
بديت أستخدم مستحضراتي الجديدة
- كنت أغسل بشرتي مرتين يوميا بالغسول
قريت عليه مدح كثير إنه ما يجفف ، ويعالج البشرة من الحبوب
هو فعلا ما جفف بشرتي لكنه ما فادني في مسألة الحبوب
- مرة في اليوم بعد الغسول أحط التونر وبعده المرطب
التونر وظيفته إغلاق المسام وشد البشرة وتجفيف الدهون
المرطب مثل باقي الكريمات المخصصة للبشرة الدهنية يكون فيه الصفات التالية :
* قوامه نوعا ما صلصالي فلما تجين تمدينه على بشرتك خذي كمية بسيطة جدا ومديها على مساحة صغيرة لأنه ممكن ينشف شوي ويصير فيه مثل القشور أو الفتات
* فيه مواد مقشرة خفيفة
لا تكثرين من الكريم ، حطي طبقة خفيفة عشان ما تنسد المسام
هالكريم أبدا أبدا ما يدهن البشرة
بس أنا أستخدم قبله التونر وهو يجفف البشرة ويكون طبقة عليها ، فما أدري كيف بيكون تأثير الكريم بدون التونر
- مرة أو مرتين في الأسبوع أقشر وجهي بالسكرب وبعده أحط التونر عشان يسكر المسام اللي انفتحت من المقشر ، ولما يجف أحط الكريم المرطب
- الغسول الثاني اللي بدون شطف أستخدمه عشان أنظف بشرتي من واقي الشمس ، أحطه على قطنة وأمسح وجهي ورقبتي ، وبعد كذا أشطفه بمويه لأن لاحظت إنه يخلي وجهي يدهن إذا ما شطفته

النتيجة
الحبوب صارت حالتها أصعب
صارت ملتهبة أكثر وتطول على ما تروح

رحت الدكتور
وصف لي صابونة أكني أيد + مضاد لمدة 3 شهور أو 4 (ناسيه)



تركت كل منتجاتي اللي فوق ، واستخدمت الصابونة مرتين في اليوم ، والمضاد ما استخدمته

والحمد الله خفت الحبوب مرة ، صارت الحبوب اللي تطلع سعنووونه وتروح بسرعة

قعدت فترة على هالحال
بعدين رجعت أستخدم التونر والمرطب لكن مو بشكل يومي ، بس بعد التقشير ، يعني المفروض مرتين بالأسبوع
أترك المرطب على وجهي ساعتين أو ثلاث ثم أغسله بمويه
بالنسبة للتقشير ما رجعت أستخدم السكرب
صرت أقشر بشرتي بليفة من بودي شوب خاصة للوجه



أبلل وجهي وأرغي الصابونة على وجهي ثم أبلل الليفة وأحط عليها من الصابونة ثم أعصرها وأبدأ أفرك وجهي بشكل دائري (باستثناء محيط العينين)

الحمد الله مرتاحة على هالنظام

- لو طلعت لي حبة أحط لها في الليل رتن أي ، وفي النهار دالاسين تي أو فيسودين
- شفايفي أرطبها بلابيلو الأزرق بزبدة الشيا ، ترطيبه حلو ومرتاحه عليه
لكن مؤخرا شريت مرطب سيباميد ، ليه ؟
لآن فيه حماية من الشمس




- أستخدم واقي شمس من كاستاليا للبشرة الدهنية ( الثاني من اليمين في الصورة )




باقي المنتجات في الصورة
- الأول من اليسار
واقي شمس من نيتروجينا
استخدمه لرقبتي ويديني لأنه دهني ما يصلح لوجهي
وهو من النوع اللي ما يترك أثر أو لون على البشرة
- الثاني من اليسار
كريم مرطب من ديرماجور
أستخدمه لرقبتي لأن بشرتي في هالمنطقة مو دهنية فما يناسبها المرطب اللي أستخدمه لوجهي + أحيانا أحطه لخدودي لأنها مو دهنية
قوامه خفيف وترطيبه حلو
- آخر واحد على اليمين
كريم تفتيح من لايرين
أنا ما استخدمته ، لكن حطيته لأن ممكن وحده تبغى تشتري كريم تفتيح
هالكريم طبي ، أعتقد سعره غالي بحدود الميه ، والمهممممم فيه إنه يتكون من مواد طبيعية ( أدري تحبون الطبيعي )
بس زي منتم شايفين حجمه صغير



هذا زيت لعلاج السليوليت ولشد البشرة من نوكس



ما أقدر أحكم عليه لأني ما استخدمت إلا نص العلبة ومو بشكل منتظم
لكن حطيته لأنه ممكن يكون خيار مناسب للي تبغى زيت لتدليك مناطق السليوليت
بس لازم انتظام على التدليك بالزيت لفترة مو قصيرة + تغذية مناسبة وشرب موية كثير ورياضة

لـ حفظ الموضوع والإستفاده منه إستخدمى هذا الرابط :
منتجات للبشرة الدهنية والحبوب
http://forum.alhaml.com/alhaml7876

الحامل , تجمع حوامل

0 جربة لمشكلة حب الشباب
0 ماسك الحلبه لتنظيف الوجه ونفخ الخدود
0 ماسك القهوة التركية , قناع القهوة التركية
0 رأي الاطباء والدكاتره في ابرة الظهر للولادة بدون الم
0 خلطه تطول شعرك ويصير ناعم
0 برايمر بنفت 2014 , سعر برايمر بنفت 2014
0 ماسكرا سيسلي , ماسكرا تطول وتكثف بدون تكتلات

مغروره غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للبشرة, منتجات, الدهنية, والجبنة

مواضيع جديدة في قسم مكياج | تسريحات | تجميل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 10:59 AM


Powered by vBulletin® Version 3.8.6
Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 ©2011, Crawlability, Inc.